वि.सं. २०७० सालको संविधानसभा सदस्य निर्वाचनमा दोलखाबासीले अत्यधिक मतले बिजयी गराएसंगै मेरो भुमिका संविधासभा सदस्यका रुपमा रह्यो । २०६४ सालमा भएको संविधानसभा निर्वाचन र त्यसपश्चात गठिन संविधानसभाले परिवर्तित व्यवस्था र आम नागरिकको भावना बमोजिमको संविधान जारी गर्न नसकेपछि, २०७० सालमा भएको निर्वाचनबाट निर्वाचित भएर आएका संविधानसभा सदस्यको काँधमा संविधान बनाउने र जारी गर्ने अभिभारा आयो । मैले संविधानसभा सदस्य रहँदाको अवधिमा नेपालको संविधान लेखन र लागु गर्ने हरेक चरणमा आफ्नो योग्यता, क्षमता र विवेक प्रयोग गरि भुमिका खेलेँ । जहाँ पुरा देश साथै दोलखा र दोलखालीको भावना भन्दा बाहिर गएर मैले कहिल्यै कुनै पनि बिचार र विवेक प्रस्तुत गरिन । साथसाथै एउटा सांसदको रुपमा आफ्ना मतदाताहरुप्रति जिम्मेवार हुँदै विभिन्न क्षेत्रको समानुपातिक विकास निर्माणको पहल समेत गरेँ ।